VIPODOZI VYA KUEPUKA KIPINDI CHA UJAUZITO

Kipindi cha ujauzito ni kipindi nyeti sana kwa afya ya mama na mtoto. Mwili wa mama hupata mabadiliko mengi ya kifisiologia.
Moja wa mabadiliko hayo ni kuongezeka kwa uwezo wa kemikali kupenya kwenye ngozi kwenda kwenye damu na hatimaye kwa mtoto.Hivyo vipodozi ambavyo mama hutumia wakati huu vinaweza athiri afya ya mama na mtoto

.Ni muhimu kujua ni vipodozi gani au kemikali gani zilizopo kwenye vipodozi si salama kwa afya ya mama na mtoto kwa kipindi hiki.
Baadhi ya kemikali za kwenye vipodozi ambazo mjamzito anashauriwa kuepukana nazo ni kama zifuatazo
1. Retinoids ( retin A, accutane, retinoic acid)
Kemikali hiyo hupatikana hasa kwenye vipodozi ambavyo hutolewa hospitali (prescription) kutibu chunusi na kupunguza mikunjo ya ngozi. Kemikali hizo si salama kipindi cha ujauzito, hivyo mama mjamzito anashauriwa kuacha kutumia vipodozi vyenye kemikali hizi kwa kipindi chote cha ujauzito

2.Tetracycline.
Kuna vipodozi dawa vya chunusi ambavyo huwa na kemikali hii (antibiotic). Hii pia si salama kipindi cha ujauzito.

3.Hydroquinone
Vipodozi vingi ambavyo hung’arisha au kuchubua ngozi (kuifanya iwe nyeupe) huwa vinakemikali hii. Mama mjamzito anashauriwa kuepukana na vipodozi hivi kipindi cha ujauzito.

4. Formaldehyde
Hii hupatikana sana kwenye vipodozi vya kunyoosha nywele, rangi za kucha na gundi za kubandikia kope. Mama mjamzito achague vipodozi visivyo na hii kemikali kwani huweza athiri utengenezwaji wa mtoto.

5. Toluene
Hii kemikali hupatikana zaidi kwenye rangi za kucha. Mama mjamzito atumie rangi za kucha zisizo na kemikali hii.

6. Ammonia
Hii hupatikana katika rangi za nywele nyinyi. Kemikali hii huweza kuathiri ngozi na mapafu., hivyo ni vyema mama mjamzito akatumia vipodozi visivyo na kemikali hii.
Ni muhimu mama mjamzito kusoma orodha ya viungo ( ingredients) vilivyotumika kutengeneza kipodozi fulani na kujiridhisha kuwa ni salama kabla ya kutumia.
Pia mama huyu anaweza pata ushauri wa kipodozi kipi atumie kwa mtaalam wa madawa au mtoa huduma za afya kwa wajawazito aliyeko karibu nae.

Comments

Post a Comment

Popular posts from this blog

Kichefuchefu na Kutapika sana wakati wa ujauzito

Image
Ni hali kali na inayoweza kutokea kwa mama mjamzito inayoambatana na kichefuchefu na kutapika sana au kwa namna nyingine ni kitendo endelevu cha kutapika wakati wa ujauzito kunakosababisha kupoteza uzito zaidi ya asilimia 5 ya uzito wa awali. Huweza kupelekea kupoteza uzito, kuwa na lishe duni na kuharibika kwa usawia wa giligili, na kuharibika usawa wa kemikali mbalimbali mwilini. Tatizo hili huambatana na kiwango kikubwa cha homoni ya HCG ambayo hutolewa kwenye kifuko cha mimba. Ukubwa wa tatizo Hutokea sana kwenye wiki 8 hadi 12 za ujauzito, na dalili hupotea wiki ya ishirini kwa wengi lakini asilimia 10ya wenye tatizo hili. Asilimia 0.3 hadi 2 ya wanawake wanaopata mimba katika mwaka huathiriwa na tatizo hili. Vihatarishi Kuwa na ndugu mwenye tatizo hili kama dada, binti wa mama mwenye tatizo hili huwa kwenye hatari ya kupata tatizo hili. Historia ya tatizo kwenye ujauzito ulipita Mimba mapacha Kuwa na hali ya kijeni inayoitwa triploidy na trisomy Kuwa na ujauzito unaoitwa molar au...
Read more

TATIZO LA KIFAFA CHA MIMBA (ECLAMPSIA)

Image
. Kifafa cha mimba ni ugonjwa unaohusiana na msukumo mkubwa wa damu (high blood pressure) wakati wa ujauzito pamoja na kuharibika kwa viungo muhimu mwilini kama vile figo na ini. Kwa kawaida ugonjwa huu hutokea baada ya nusu ya kwanza ya ujauzito kuisha (kuanzia wiki ya 20 au miezi mitano ya ujauzito). Ugonjwa huu huweza kuwatokea hata wajawazito ambao hawakuwa na tatizo la msukumo mkubwa wa damu kabla ya ujauzito. Ugonjwa wa kifafa cha mimba unaweza kuleta madhara makubwa kwa mjamzito na mtoto aliye tumboni. Kuharibika kwa viungo muhimu kama figo na ini la mjamzito kunaweza kuwa kwa kiwango kikubwa kichoweza kusababisha mjamzito kupoteza maisha iwapo hatapata huduma ya afya mapema. Vilevile mtoto aliye tumboni anaweza kuathirika kwa kukosa damu ya kutosha toka kwa mama na kushindwa kukua vizuri na iwapo hali hiyo ikiendelea muda mrefu anaweza kufia tumboni. Kutokana na hatari kubwa ya ugonjwa huu kwa wajawazito na watoto walio tumboni, inashauriwa kila mjamzito awe anahudhuria clinic ...
Read more

JE KULA NANASI WAKATI WA UJAUZITO INA MADHARA?

Image
Kumekua na imani na  maneno kwamba mama mjamzito hapaswi kula nanasi wala kunywa juisi ya nanasi kwani ina madhara kwa mama mjamzito.Watu wamekuwa wakiamini kwamba ulaji wa nanais wakati wa ujauzito unaweza kupelekea mimba kuharibika au kujifungua kabla ya wakati. Je swali hili lina ukweli wowote ndani yake? Jambo hili si kweli. Japo ndani ya nanasi kuna kiambata kinachhoitwa BROMELAIN ambacho hutumika kutengenezea dawa ya maumivu na kuvimba (ant inflammatory), dawa hii ikitumika kwa mama mjamzito husababisha mimba kuharibika na hairuhusiwi kutumika wakati wa ujuzito.ila kiwango cha kiambata hiki kilichomo kwenye Nanasi ni kidogo sana.Kipo katika kiwango kidogo mno ambacho hakiwezi kuleta madhara yoyote kwa mama mjamzito. Inahitajika ule mananasi 10 kwa wakati mmoja ndo ufikie kiwango cha Bromelain kinachoweza kuleta madhara kwa ujauzito. Hivyo basi ulaji wa nanasi wakati wa ujauzito hauna madhara bali ni muhimu kwa nanasi lina kiwango kikubwa cha Madini chuma(iron) na folate ambayo ni...
Read more