UMUHIMU WA KUACHA NAFASI KABLA YA KUZAA MTOTO MWINGINE (BIRTH SPACING)

Shirika la afya duniani (WHO) linashauri wazazi kukaa angalau miaka miwili kabla ya kupanga kupata mtoto mwingine.
Wazazi wengi wa sasa wamekuwa wakichagua kufululiza kuzaa ili waweze kumaliza uzazi haraka, Ukweli ni kwamba kufanya hivi husababisha madhara kwa mama na mtoto mtarajiwa.

FAIDA ZA KUACHA NAFASI NI ZIPI?

-Huandaa mwili wa mama kuwa na virutubisho vya kutosha kwa ajili ya mtoto mtarajiwa na vya kutosha kumuacha mama katika afya nzuri wakati wa uzazi na baada ya kujifungua.
-Huruhusu wazazi wawe na nguvu za kulea mtoto wa kwanza vizuri.

Madhara ya kutoacha nafasi ni yapi?

-Kuzaa kabla ya wiki ya 37 na hivyo kupata mtoto mwenye uzito mdogo.
-Kupata shida wakati wa kujifungua na kuweza kupelekea kuchanika kwa mfuko wa uzazi.
-Huweza kupelekea kifo cha mtoto au mzazi kwa sababu ya kutokuwa na virutubisho vinavyotosha.
-Huweza kupelekea kutokwa na damu ukeni katika miezi mitatu ya mwisho.
-Huweza kupelekea mama kupata sonona ya uzazi.
-Kwa mtoto aliyezaliwa kwanza, kuachwa kunyonyeshwa kwa ajili ya kuweka virutubisho kwa mtoto mtarajiwa humkosesha maziwa ya mama ambayo ni muhimu sana katika miaka miwili ya kwanza.

MUHIMU:-
-Kwa wakina mama waliopoteza watoto (miscarriage) au mimba kutoka, wanatakiwa kusubiri angalau miezi 6 kabla ya kujipanga kwa mtoto mwingine kupunguza madhara yaliyotajwa hapo juu.
-Wazazi wanatakiwa kujadili njia nzuri ya uzazi wa mpango ambayo itaweza kuwasaidia kwenye miaka miwili hii. Iwapo watapata shida kujua wafanye nini, watembelee hospitali ili waweze kuonana na daktari atakaewasaidia

Comments

Post a Comment

Popular posts from this blog

Kichefuchefu na Kutapika sana wakati wa ujauzito

Image
Ni hali kali na inayoweza kutokea kwa mama mjamzito inayoambatana na kichefuchefu na kutapika sana au kwa namna nyingine ni kitendo endelevu cha kutapika wakati wa ujauzito kunakosababisha kupoteza uzito zaidi ya asilimia 5 ya uzito wa awali. Huweza kupelekea kupoteza uzito, kuwa na lishe duni na kuharibika kwa usawia wa giligili, na kuharibika usawa wa kemikali mbalimbali mwilini. Tatizo hili huambatana na kiwango kikubwa cha homoni ya HCG ambayo hutolewa kwenye kifuko cha mimba. Ukubwa wa tatizo Hutokea sana kwenye wiki 8 hadi 12 za ujauzito, na dalili hupotea wiki ya ishirini kwa wengi lakini asilimia 10ya wenye tatizo hili. Asilimia 0.3 hadi 2 ya wanawake wanaopata mimba katika mwaka huathiriwa na tatizo hili. Vihatarishi Kuwa na ndugu mwenye tatizo hili kama dada, binti wa mama mwenye tatizo hili huwa kwenye hatari ya kupata tatizo hili. Historia ya tatizo kwenye ujauzito ulipita Mimba mapacha Kuwa na hali ya kijeni inayoitwa triploidy na trisomy Kuwa na ujauzito unaoitwa molar au...
Read more

TATIZO LA KIFAFA CHA MIMBA (ECLAMPSIA)

Image
. Kifafa cha mimba ni ugonjwa unaohusiana na msukumo mkubwa wa damu (high blood pressure) wakati wa ujauzito pamoja na kuharibika kwa viungo muhimu mwilini kama vile figo na ini. Kwa kawaida ugonjwa huu hutokea baada ya nusu ya kwanza ya ujauzito kuisha (kuanzia wiki ya 20 au miezi mitano ya ujauzito). Ugonjwa huu huweza kuwatokea hata wajawazito ambao hawakuwa na tatizo la msukumo mkubwa wa damu kabla ya ujauzito. Ugonjwa wa kifafa cha mimba unaweza kuleta madhara makubwa kwa mjamzito na mtoto aliye tumboni. Kuharibika kwa viungo muhimu kama figo na ini la mjamzito kunaweza kuwa kwa kiwango kikubwa kichoweza kusababisha mjamzito kupoteza maisha iwapo hatapata huduma ya afya mapema. Vilevile mtoto aliye tumboni anaweza kuathirika kwa kukosa damu ya kutosha toka kwa mama na kushindwa kukua vizuri na iwapo hali hiyo ikiendelea muda mrefu anaweza kufia tumboni. Kutokana na hatari kubwa ya ugonjwa huu kwa wajawazito na watoto walio tumboni, inashauriwa kila mjamzito awe anahudhuria clinic ...
Read more

JE KULA NANASI WAKATI WA UJAUZITO INA MADHARA?

Image
Kumekua na imani na  maneno kwamba mama mjamzito hapaswi kula nanasi wala kunywa juisi ya nanasi kwani ina madhara kwa mama mjamzito.Watu wamekuwa wakiamini kwamba ulaji wa nanais wakati wa ujauzito unaweza kupelekea mimba kuharibika au kujifungua kabla ya wakati. Je swali hili lina ukweli wowote ndani yake? Jambo hili si kweli. Japo ndani ya nanasi kuna kiambata kinachhoitwa BROMELAIN ambacho hutumika kutengenezea dawa ya maumivu na kuvimba (ant inflammatory), dawa hii ikitumika kwa mama mjamzito husababisha mimba kuharibika na hairuhusiwi kutumika wakati wa ujuzito.ila kiwango cha kiambata hiki kilichomo kwenye Nanasi ni kidogo sana.Kipo katika kiwango kidogo mno ambacho hakiwezi kuleta madhara yoyote kwa mama mjamzito. Inahitajika ule mananasi 10 kwa wakati mmoja ndo ufikie kiwango cha Bromelain kinachoweza kuleta madhara kwa ujauzito. Hivyo basi ulaji wa nanasi wakati wa ujauzito hauna madhara bali ni muhimu kwa nanasi lina kiwango kikubwa cha Madini chuma(iron) na folate ambayo ni...
Read more