FAHAMU ZAIDI KUHUSU FISTULA

Fistula ni njia isiyo ya kawaida inayounganisha uke na njia ya mkojo au uke na njia ya haja kubwa au vyote kwa pamoja hivyo kuruhusu mkojo au haja kubwa kutoka kupitia kuta za uke bila kujizuia.
Kila mwaka wanawake 50,000 mpaka 100,000 huathirika na fistula ulimwenguni.~WHO
Visababishi vya fistula baada ya kujifungua ni nini?
Tatizo la fistula baada ya kujifungua hutokea Zaidi baada ya mwanamke mjamzito kuwa katika hali ya uchungu kwa muda mrefu(prolonged and obstructed labor) hali ambayo huweza kutokana na kichwa cha mtoto kushindwa kupita kutokana na njia kuwa ndogo (huweza kutokana na umri mdogo wa mwanamke pia) kuliko ukubwa wa kichwa.
Kushindwa kupita kwa kichwa cha mtoto na kuwa katika hali ya uchungu kwa muda mrefu hupelekea kichwa kugandamiza tishu za uke, kibofu na njia ya haja kubwa hivyo kupelekea tishu hizi kukosa damu, kukosa damu kwa tishu hizi hupelekea uharibifu kwenye tishu hizi na kusababisha tundu kutokea kati ya uke na kibofu cha mkojo au kati ya uke na njia ya haja kubwa hivyo kusababisha mwanamke kutoka mkojo au haja kubwa bila kujizuia.
Wataalam wa afya pia wanaeleza kuwa fistula hutokea mara nyingi kwa wanawake wanaojifungulia majumbani ambako hukosa Huduma za matibabu.
 Pia wakati mwingine huweza kuwa ni matokeo ya kujifungua kwa njia ya upasuaji, ajali au saratani ya maeneo ya nyonga.
Athari za tatizo la fistula.
Tatizo la fistula linakera na kuaibisha kwa sababu kutoka kwa haja kubwa au ndogo bila kujizuia husababisha harufu kali kwa mwathirika na jamii inayomzunguka hivyo kupelekea mwathirika kunyanyapaliwa na kutengwa na wanafamilia na jamii. Lakini pia tatizo hili huweza kuambatana na hatari zifuatazo kwa afya ya mwanamke; 
-Maambukizi ya njia ya mkojo (UTI) -Matatizo ya usafi -Kuwashwa kwa Ngozi ya kuta za uke -Kutoka majipu -Maumivu makali wakati wa tendo la ndoa
Namna gani tunaweza kupunguza tatizo la fistula?
Tatizo la fistula linaweza kuzuilika.~WHO
Njia zifuatazo zikizingatiwa vyema huweza mara nyingi kuzuia tatizo la fistula baada ya kujifungua.
Kuhakikisha kuwa mwanamke anapata ujauzito wa kwanza akiwa amepevuka vyema.Kuacha tamaduni na desturi potofu kama vile kuzaa watoto wengi kama njia ya kuonyesha ufahari.Kuhudhuria kliniki wakati wa ujauzito na kujifungulia hospitali au kituo cha afya.Hatua stahiki kuchukuliwa inapotokea dharura kama vile kupata uchungu muda mrefu wakati wa kujifungua.
Matibabu ya fistula
Zaidi ya wanawake milioni mbili barani Afrika na Asia wanaishi na tatizo la fistula ambalo linaweza kutibika.~WHO
Tatizo la fistula linatibika kabisa hivyo basi unapopata tatizo hili la fistula usisite kwenda katika kituo cha afya kilicho karibu nawe uweze kupata maelekezo juu ya utaratibu uliowekwa na serikali kupitia wizara ya afya ikishirikiana na hospitali ya CCBRT na hospitali nyingine za serikali wa kupata matibabu ambayo hutolewa bure kwa sasa.

Comments

Post a Comment

Popular posts from this blog

Kichefuchefu na Kutapika sana wakati wa ujauzito

Image
Ni hali kali na inayoweza kutokea kwa mama mjamzito inayoambatana na kichefuchefu na kutapika sana au kwa namna nyingine ni kitendo endelevu cha kutapika wakati wa ujauzito kunakosababisha kupoteza uzito zaidi ya asilimia 5 ya uzito wa awali. Huweza kupelekea kupoteza uzito, kuwa na lishe duni na kuharibika kwa usawia wa giligili, na kuharibika usawa wa kemikali mbalimbali mwilini. Tatizo hili huambatana na kiwango kikubwa cha homoni ya HCG ambayo hutolewa kwenye kifuko cha mimba. Ukubwa wa tatizo Hutokea sana kwenye wiki 8 hadi 12 za ujauzito, na dalili hupotea wiki ya ishirini kwa wengi lakini asilimia 10ya wenye tatizo hili. Asilimia 0.3 hadi 2 ya wanawake wanaopata mimba katika mwaka huathiriwa na tatizo hili. Vihatarishi Kuwa na ndugu mwenye tatizo hili kama dada, binti wa mama mwenye tatizo hili huwa kwenye hatari ya kupata tatizo hili. Historia ya tatizo kwenye ujauzito ulipita Mimba mapacha Kuwa na hali ya kijeni inayoitwa triploidy na trisomy Kuwa na ujauzito unaoitwa molar au...
Read more

TATIZO LA KIFAFA CHA MIMBA (ECLAMPSIA)

Image
. Kifafa cha mimba ni ugonjwa unaohusiana na msukumo mkubwa wa damu (high blood pressure) wakati wa ujauzito pamoja na kuharibika kwa viungo muhimu mwilini kama vile figo na ini. Kwa kawaida ugonjwa huu hutokea baada ya nusu ya kwanza ya ujauzito kuisha (kuanzia wiki ya 20 au miezi mitano ya ujauzito). Ugonjwa huu huweza kuwatokea hata wajawazito ambao hawakuwa na tatizo la msukumo mkubwa wa damu kabla ya ujauzito. Ugonjwa wa kifafa cha mimba unaweza kuleta madhara makubwa kwa mjamzito na mtoto aliye tumboni. Kuharibika kwa viungo muhimu kama figo na ini la mjamzito kunaweza kuwa kwa kiwango kikubwa kichoweza kusababisha mjamzito kupoteza maisha iwapo hatapata huduma ya afya mapema. Vilevile mtoto aliye tumboni anaweza kuathirika kwa kukosa damu ya kutosha toka kwa mama na kushindwa kukua vizuri na iwapo hali hiyo ikiendelea muda mrefu anaweza kufia tumboni. Kutokana na hatari kubwa ya ugonjwa huu kwa wajawazito na watoto walio tumboni, inashauriwa kila mjamzito awe anahudhuria clinic ...
Read more

JE KULA NANASI WAKATI WA UJAUZITO INA MADHARA?

Image
Kumekua na imani na  maneno kwamba mama mjamzito hapaswi kula nanasi wala kunywa juisi ya nanasi kwani ina madhara kwa mama mjamzito.Watu wamekuwa wakiamini kwamba ulaji wa nanais wakati wa ujauzito unaweza kupelekea mimba kuharibika au kujifungua kabla ya wakati. Je swali hili lina ukweli wowote ndani yake? Jambo hili si kweli. Japo ndani ya nanasi kuna kiambata kinachhoitwa BROMELAIN ambacho hutumika kutengenezea dawa ya maumivu na kuvimba (ant inflammatory), dawa hii ikitumika kwa mama mjamzito husababisha mimba kuharibika na hairuhusiwi kutumika wakati wa ujuzito.ila kiwango cha kiambata hiki kilichomo kwenye Nanasi ni kidogo sana.Kipo katika kiwango kidogo mno ambacho hakiwezi kuleta madhara yoyote kwa mama mjamzito. Inahitajika ule mananasi 10 kwa wakati mmoja ndo ufikie kiwango cha Bromelain kinachoweza kuleta madhara kwa ujauzito. Hivyo basi ulaji wa nanasi wakati wa ujauzito hauna madhara bali ni muhimu kwa nanasi lina kiwango kikubwa cha Madini chuma(iron) na folate ambayo ni...
Read more