ATHARI ZA PUMU KATIKA UJAUZITO

Pumu ni ugonjwa ambao huathiri sehemu ya kupitisha hewa (bronchioles) kwenda kwenye mapafu. Sehemu hiyo huvimba na kuzalisha ute mzito (mucus), hivyo huzuia hewa ya kutosha kuingia mapafuni.Kuna makundi mawili ya pumu; Pumu ya ghafla(Acute athma) na Pumu sugu (Chronic athma).
Katika pumu ya ghafla, mgonjwa huwa na hali ya kawaida tu, ila pumu inapo amka hupata matatizo ya kupumua na kifua kubana. Kwa upande wa pili, Pumu sugu huambatana na wembamba katika njia au sehemu za kupitishia hewa kwenda mapafuni na mgonjwa hupata matatizo ya kupumua na kifua kubana mara kwa mara.
Ugonjwa wa pumu husababishwa na mambo mengi kama vile; Vinasaba au kurithi, Uvutaji wa sigara au tumbaku wakati wa ujauzito husababisha ugonjwa wa pumu kwa mtoto atakayezaliwa,Vyanzo vya mzio(allergens) kama vile vumbi na baadhi ya vyakula, moshi na harufu kali kama vile perfumes, kemikali katika maeneo ya kazi kama vile viwandani na magonjwa kwenye mfumo wa upumuaji yanayosababishwa na virusi au bacteria.
Dalili za ugonjwa wa pumu ni ; Kuishiwa pumzi (shortness of breath), kutoa sauti za miluzi wakati wa kupumua(wheezing), kukohoa sana hasa asubuhi na usiku na kifua kubana.
                            
ATHARI ZA PUMU KATIKA UJAUZITO

  •  Mara nyingi pumu ya ghafla huwa haina madhara sana kwa mjamzito, ila inapokuwa sugu na dalili zake kujitokeza mara kwa mara kama vile kukosa pumzi na kifua kubana husababisha mtoto kukosa hewa safi ya oksijeni maana mtoto hutegemea hewa ya mama awapo tumboni. ukosefu wa hewa huu husababisha mtoto kuzaliwa akiwa na uzito mdogo kupita kiasi.
  • Pumu husababisha homa kali ya asubuhi (severe morning sickness)
  • Husababisha matatizo kwenye kondo la uzazi au placenta na hivyo huchangia sana katika matatizo ya namna ya kujifungua muda unapofika.
  • Pumu husababisha shinikizo la damu kupanda kwa mjamzito, shinikizo kubwa la damu husababisha matatizo mengine mengi kama vile magonjwa ya moyo endapo halitatibiwa.
  • Pumu husababisha damu kuvuja Ukeni wakati wa uajuzito, jambo linaloweza kusababisha upungufu wa damu.
Je!, Nikiwa na pumu wakati wa ujauzito naweza sababisha maambukizi kwa mtoto? ,si rahisi kumwambukiza mtoto ugonjwa wa pumu kwa hiyo mjamzito asiwe na hofu kabisa ila tu atafute matibabu ya ugonjwa huo ili dalili za pumu zisije kuleta athari kwa mtoto kama tulivyoziona hapo mwanzo.
je!, dawa za pumu ninazotumia hazitaleta  madhara kwa mwanangu?           mara nyingi dawa hizi huenda mapafuni moja kwa moja ili kusaidia kuondoa dalili mbaya za pumu, hivyo basi mjamzito mwenye pumu aendelee kutumia dawa za pumu kwa kufuata maelekezo ya daktari kwa umakini mkubwa sana, kwa kufanya hivyo ujauzito wake utakuwa na afya tele kwa mtoto.
NINI KIFANYIKE ILI KUEPUKANA NA MADHARA YA ATHMA KATIKA UJAUZITO WANGU?

  •  Fahamu visababishi (triggers) vya pumu kwako kama vile vumbi, moshi wa sigara, hali ya hewa kama vile baridi, viepuke kabisa.
  • Fuata masharti ya Daktari na tembelea vituo vya tiba mara kwa mara ili uepukane na dalili mbaya za pumu.
  • Fanya mazoezi kwa uangalifu mkubwa kwa sababu mazoezi huweza kuleta dalili mbaya za pumu, fuata ushauri wa dakatari juu ya namna ya kufanya mazoezi kwa uzuri zaidi.
  • Fahamu dalili hatarishi za pumu; una matatizo ya kupumua, mtoto hachezi tumboni au dawa zako zimeacha kufanya kazi, hivyo tafuta msaada kwa daktari.

Comments

Post a Comment

Popular posts from this blog

Kichefuchefu na Kutapika sana wakati wa ujauzito

Image
Ni hali kali na inayoweza kutokea kwa mama mjamzito inayoambatana na kichefuchefu na kutapika sana au kwa namna nyingine ni kitendo endelevu cha kutapika wakati wa ujauzito kunakosababisha kupoteza uzito zaidi ya asilimia 5 ya uzito wa awali. Huweza kupelekea kupoteza uzito, kuwa na lishe duni na kuharibika kwa usawia wa giligili, na kuharibika usawa wa kemikali mbalimbali mwilini. Tatizo hili huambatana na kiwango kikubwa cha homoni ya HCG ambayo hutolewa kwenye kifuko cha mimba. Ukubwa wa tatizo Hutokea sana kwenye wiki 8 hadi 12 za ujauzito, na dalili hupotea wiki ya ishirini kwa wengi lakini asilimia 10ya wenye tatizo hili. Asilimia 0.3 hadi 2 ya wanawake wanaopata mimba katika mwaka huathiriwa na tatizo hili. Vihatarishi Kuwa na ndugu mwenye tatizo hili kama dada, binti wa mama mwenye tatizo hili huwa kwenye hatari ya kupata tatizo hili. Historia ya tatizo kwenye ujauzito ulipita Mimba mapacha Kuwa na hali ya kijeni inayoitwa triploidy na trisomy Kuwa na ujauzito unaoitwa molar au...
Read more

TATIZO LA KIFAFA CHA MIMBA (ECLAMPSIA)

Image
. Kifafa cha mimba ni ugonjwa unaohusiana na msukumo mkubwa wa damu (high blood pressure) wakati wa ujauzito pamoja na kuharibika kwa viungo muhimu mwilini kama vile figo na ini. Kwa kawaida ugonjwa huu hutokea baada ya nusu ya kwanza ya ujauzito kuisha (kuanzia wiki ya 20 au miezi mitano ya ujauzito). Ugonjwa huu huweza kuwatokea hata wajawazito ambao hawakuwa na tatizo la msukumo mkubwa wa damu kabla ya ujauzito. Ugonjwa wa kifafa cha mimba unaweza kuleta madhara makubwa kwa mjamzito na mtoto aliye tumboni. Kuharibika kwa viungo muhimu kama figo na ini la mjamzito kunaweza kuwa kwa kiwango kikubwa kichoweza kusababisha mjamzito kupoteza maisha iwapo hatapata huduma ya afya mapema. Vilevile mtoto aliye tumboni anaweza kuathirika kwa kukosa damu ya kutosha toka kwa mama na kushindwa kukua vizuri na iwapo hali hiyo ikiendelea muda mrefu anaweza kufia tumboni. Kutokana na hatari kubwa ya ugonjwa huu kwa wajawazito na watoto walio tumboni, inashauriwa kila mjamzito awe anahudhuria clinic ...
Read more

JE KULA NANASI WAKATI WA UJAUZITO INA MADHARA?

Image
Kumekua na imani na  maneno kwamba mama mjamzito hapaswi kula nanasi wala kunywa juisi ya nanasi kwani ina madhara kwa mama mjamzito.Watu wamekuwa wakiamini kwamba ulaji wa nanais wakati wa ujauzito unaweza kupelekea mimba kuharibika au kujifungua kabla ya wakati. Je swali hili lina ukweli wowote ndani yake? Jambo hili si kweli. Japo ndani ya nanasi kuna kiambata kinachhoitwa BROMELAIN ambacho hutumika kutengenezea dawa ya maumivu na kuvimba (ant inflammatory), dawa hii ikitumika kwa mama mjamzito husababisha mimba kuharibika na hairuhusiwi kutumika wakati wa ujuzito.ila kiwango cha kiambata hiki kilichomo kwenye Nanasi ni kidogo sana.Kipo katika kiwango kidogo mno ambacho hakiwezi kuleta madhara yoyote kwa mama mjamzito. Inahitajika ule mananasi 10 kwa wakati mmoja ndo ufikie kiwango cha Bromelain kinachoweza kuleta madhara kwa ujauzito. Hivyo basi ulaji wa nanasi wakati wa ujauzito hauna madhara bali ni muhimu kwa nanasi lina kiwango kikubwa cha Madini chuma(iron) na folate ambayo ni...
Read more